TUSK » 生活

藍天

Felix — Thu, 01 Jul 2010 16:04:53 +0000

好耐都冇見過藍天啦，香港的天成日都係灰沉沉，同埋四周圍都係灰沉沉建築物，心情自然會唔係幾好。呢幾日都係出藍天，成個人都精神晒！

天水圍的三支香

藍天

一遍無雲

日落與雲海

不過應該過多幾日，就唔會再見到呢 D 情況啦！

Dell laptop 壞左

Felix — Wed, 23 Jun 2010 12:59:23 +0000

好耐都唔用一次手提電腦，今日用佢來播下wmv啦，本身諗住用 Media Player Classic 播，點知又播唔到。用番 Media Player 就即刻出事！

本身用 WMP 唔係播唔到，不過一直以為佢冇得快播，後尾搵到點快番的時候，一禁佢就成部機死左，得 mouse 有反應同播同一個音，諗住 reboot 佢啦，咁就開唔番機。

就係咁的樣，開一陣就會自己熄左，試過用光碟同 Linux 開機都係咁，真係冇辦法。都唔知係咩原因，不過應該係硬體問題。過左保養，Dell 唔會理了！

冇左部機用，真係好麻煩。

救護車展覽

Felix — Sat, 30 Jan 2010 16:43:16 +0000

今日出了天水圍做義工，之後有兩小時的夾心時間，無所事事又不想中斷離開天水圍，於是在天水圍四處逛逛。其實天水圍本就是一個很美麗的地方，少車、多樹、鐵路四通八達，只是交通不太方便。住在這裡可能會不太方便，不過作為遊客卻是個好地方，在陽光下散散步，在新北江試美食。

剛巧今天在銀座附近有香港的醫護展覽，沒事可做的我當然不會錯過這「八掛」的機會。聽急救員說，那救護車是新車呢！

剛落地仍未服務的救護車

第一次登上白車，當然平時不會希望自己需要坐在救護車上啦！為什麼車上這麼整潔，好像甚麼也沒有？那是因為車上的裝備根本仍未安裝，設施一準備好，她就要出街服務啦！

救護車內觀

除了救護車外，其實還有急救電單車，不過這可見得多了，而且又沒有甚麼神秘。

救護電單車

平時警方的展覽就見得多，救護展覽真的是第一次預到。當然，警方有衝鋒車和裝甲車出場，總能吸引不少人參觀。反而平平無奇又默默服務香港人的救護車，卻很少人會留意。

第一學期

Felix — Sun, 25 Oct 2009 04:12:43 +0000

話咁快第一個學期咁就過左一半，呢家番大學其實都冇咩特別，同中學差唔多，都係又 lecture 堂又 exam 咁，只不過係唔駛著校服同埋上堂時間複雜到唔記得咁，而且唔會有一班人成日都同你一齊上堂，成日都有唔識的人同你一齊上。

真正大學的生活，好似仲未投入到咁。

砌新機

Felix — Mon, 03 Aug 2009 15:59:50 +0000

執左張單成兩個星期，昨日終於都去左深水步買部機番來。呢部機都有唔少人俾過意見，雖然好多最尾都冇聽到，不過都好多謝各位。

本身預的 budget 係 3500 ，點知個日俾張單間鋪報價，部機真係 3500 ，啱啱好，不過好可惜本身買個個火牛冇貨，要買個勁少少的，貴 10 元，令到我 Over Budget 10 元，要自己貼出來。

最尾買左呢部機︰

Intel E7500
Gigabyte EP43-UD3L
Kingston DDR2-800 (2條)
Hitachi 320GB
LG DVD RW
xFx 9600GT
GTR 7041S case
GTR 500W

個新的電腦都係用番 XP ，因為對 Vista 的印象唔係太好，勁食 Ram ，遲 d 一次升上 Windows 7 。

雖然 Intel 係電腦界好出名，不過呢部係我第一部用 Intel CPU 的電腦。

升學

Felix — Sat, 01 Aug 2009 15:45:50 +0000

呢兩年的付出終於有成果，JUPAS入到A1，本來諗住可以同校服say goodbye了！很可惜仍未得，因為中大PE堂要著PE衫。

下個星期就要搞入學手續，正式做一個大學生啦！

明日放榜

Felix — Mon, 29 Jun 2009 08:32:29 +0000

辛苦了兩年的成果，將會在明天知道。這兩年為了高考，付出了不少，可是也浪費了更多的時間。明天放榜希望不再有後悔出現，希望有自己滿意的成績。

當然對自己成績要求也要可太高，自己是甚麼水平自己知道，考試當時的表現也略可猜一二，只要沒有看錯題目或做漏一版，應該同預期唔會相差太遠。不過會考已令自己失望一次，今次的期望也不可太高。

明天就是最後一天回校了，可惜並非穿著校服回校。

無聊假日

Felix — Fri, 05 Jun 2009 07:55:51 +0000

好快就到左六月，進入炎炎夏日，好應該係戶外活動的日字，不過反而經常呆坐在家中。

整個六月都沒有工作，而唯一可以做的，就是看多些書，自學一點程式，整些作品玩玩。

唉…快變石雕了！